Inkasso innheimtir fyrir Rangárþing ytra

Rangárþing ytra hefur undirritað samning við Inkasso innheimtufyrirtæki, sem mun framvegis sjá um alla innheimtu fyrir sveitarfélagið.

Markmið Inkasso eru að bjóða upp á nýjar leiðir í innheimtuþjónustu og bjóða uppá meiri sveigjanleika og lægri kostnað fyrir sveitarfélög og fyrirtæki.

„Rangárþing ytra er öflugt sveitarfélag og hefur á seinustu árum markvisst byggt upp góða þjónustu fyrir bæjarbúa og þar er að finna öflugt atvinnulíf í landbúnaði, verslun og þjónustu. Það er okkur sönn ánægja að starfa með sveitarfélaginu með það að markmiði að veita íbúum þess betri þjónustu og lækka kostnað,” segir Georg Andersen framkvæmdastjóri Inkasso.

Umboðsmaður Inkasso fyrir sveitarfélagið er Íris Björk Sigurðardóttir og er starfsstöð hennar á Hellu.