Framboðslisti D-listans í Hveragerði var samþykktur samhljóða á fjölmennum félagsfundi í gærkvöldi. Ingimar Guðmundsson, sérfræðingur hjá Sambandi íslenskra sveitarfélaga, er nýr oddviti listans.
Í tilynningu frá D-listanum segir að listinn sé skipaður samstilltum hópi fólks með fjölbreytta reynslu úr samfélaginu og sameiginlega sýn um að nálgast verkefni sveitarfélagsins af ábyrgð og fagmennsku. Áhersla verði lögð á gott samstarf, skýr vinnubrögð og málefnalega umræðu.
„Ég er einstaklega stoltur að fá að leiða D-listann í komandi sveitarstjórnarkosningum og jafnframt þakklátur félagsmönnum fyrir traustið sem mér er sýnt,” segir Ingimar. „Við munum leggja ríka áherslu á ábyrga stjórnun og fagleg vinnubrögð með það að markmiði að gera Hveragerði að enn betri stað til að búa á. Hér ólst ég upp og hér vil ég ala mín börn upp.“
Frambjóðendur D-listans í Hveragerði:
1. Ingimar Guðmundsson, sérfræðingur
2. María Rún Þorsteinsdóttir, ráðgjafi
3. Sigmar Karlsson, deildarstjóri
4. Hjalti Helgason, múrarameistari
5. Karítas Róbertsdóttir, líffræðingur
6. Íris Svavarsdóttir, bókari
7. Einar Ísberg, háskólanemi
8. Hekla Björt Birkisdóttir, iðjuþjálfi
9. Sigurður Einar Guðjónsson, byggingatæknifræðingur
10. Guðfinna Ýr Sumarliðadóttir, hjúkrunarfræðingur
11. Hallgrímur Þorgilsson, húsasmíðameistari
12. Nishadi Umaya, framhaldskólanemi
13. Feng Hannesdóttir, aðstoðarmaður í eldhúsi
14. Eyjólfur Kolbeins, matreiðslumeistari
