Sveitarstjórnir eru að koma saman í fyrsta skipti á kjörtímabilinu þessa dagana. Ingibjörg Harðardóttir verður áfram sveitarstjóri í Grímsnes- og Grafningshreppi og Valtýr Valtýsson í Bláskógabyggð.
Þetta var samþykkt á fyrstu fundum sveitarstjórnanna nú í júní.
Í Grímsnes- og Grafningshreppi verður Gunnar Þorgeirsson áfram oddviti sveitarstjórnar og Hörður Óli Guðmundsson varaoddviti eins og á síðasta kjörtímabili.
Helgi Kjartansson var kosinn nýr oddviti í Bláskógabyggð á fyrsta fundi sveitarstjórnar og Valgerður Sævarsdóttir verður varaoddviti og formaður byggðaráðs.