Inga Jóna Hjaltadóttir hefur verið ráðin í starf skrifstofustjóra Hrunamannahrepps. Inga Jóna mun taka til starfa í byrjun sumars en á sama tíma mun Svanhildur Pétursdóttir, sem verið hefur skrifstofustjóri, fara í 50% stöðu.
Inga Jóna starfar í dag á endurskoðunarsvið KPMG og hefur þar sinnt sveitarfélögum í samtals 13 ár. Hún hefur einnig starfað sem forstöðumaður bókasafns Hrunamanna og verið framkvæmdastjóri Heilsugæslustöðvarinnar í Laugarási.
Inga Jóna er viðskiptafræðingur frá Háskólanum í Reykjavík og stundar meistaranám í viðskiptafræði auk þess að vera með kennsluréttindi á öllum skólastigum.
Fjórtán einstaklingar sóttu um stöðuna og voru fimm þeirra teknir í viðtal.