Íkveikja í Arnari

Eldurinn sem kom upp í dragnótabátnum Arnari ÁR í Þorlákshöfn í gærmorgun var af mannavöldum. Kveikt var í svampdýnu í vinnslurými bátsins.

Tæknideild LRH sá um tæknirannsókn á brunastað og leiddi niðurstaða þeirrar rannsóknar í ljós að um íkveikju væri að ræða.

Rannsóknardeild lögreglunnar á Selfossi fer með rannsókn málsins. Allir þeir sem orðið hafa varir mannaferða á bryggjum hafnarinnar, fótgangandi á bílum eða á annan máta, eða annars staðar í Þorlákshöfn á tímabilinu frá kl. 04:00 til 07:30 í gærmorgun eru beðnir að hafa samband við lögreglu í síma 480 1010.