Íbúum Ölfuss fækkaði um 21 á síðasta ári, eða um 1,1% og voru 1.885 um síðustu áramót. Þeim er nú aftur farið að fjölga, eftir að botninum var náð í febrúar á þessu ári.
Á heimasíðu Ölfuss kemur fram að ýmsar leiðir hafi verið ræddar á fundum fagnefnda og bæjarstjórnar sveitarfélagsins til að snúa vörn í sókn og fjölga íbúum með því að kynna þá mörgu kosti sem sveitarfélagið býr yfir.
„Þegar skoðaðar eru tölur um fjölda íbúa frá því í júlí á síðasta ári, þá má sjá að áhyggjuraddir hafa átt við rök að styðjast og að íbúum hefur fækkað. Mesta fækkunin var í febrúarmánuði þegar 1.882 íbúar voru skráðir í sveitarfélaginu. Þá hefur botninum líklega verið náð og er gaman að segja frá því að íbúum hefur fjölgað ört síðustu tvo mánuðina og er nú svo komið að íbúar eru orðnir jafnmargir og þeir voru í júlí á síðasta ári eða 1.903,“ segir í frétt á heimasíðunni.
Bæjaryfirvöld vona að íbuum fjölgi áfram fjölgi og að allir leggist á eitt um að láta vita af þeim miklu kostum sem sveitarfélagið býr yfir.