Mikið álag er á kaldavatnsveitum Rangárþings eystra um þessar mundir og hefur verið biðlað til íbúa og fyrirtækja að fara sparlega með vatn.
Álagið er mest á veiturnar yfir miðjan daginn og því er mælt með því ef vökvun garða yrði framkvæmd að kvöldi til. Einnig eru þeir aðilar sem eru með brynningar fyrir skepnur beðnir um að yfirfara sinn búnað og koma í veg fyrir sírennsli.