Kjósendur í Flóahreppi verða beðnir um að segja skoðun sína á framtíðarstaðsetningu leikskólans Krakkaborgar í skoðanakönnun sem fram fer samhliða alþingiskosningum á morgun.
Leikskólinn er nú í húsnæði gamla skólahúsnæðisins á Þingborg en spurt er um vilja til að halda starfsemi þar áfram eða færa hana í húsnæði Flóaskóla í Villingaholti.
Krökkum í leikskólanum hefur fjölgað og ef ákveðið verður að halda starfsemi Krakkakots áfram á Þingborg þarf að fjárfesta í breytingum á húsinu, að sögn Aðalsteins Sveinssonar, oddvita Flóahrepps.
Ef starfsemin verður færð verður reynt að selja eða leigja húsnæðið.