Háskólafélag Suðurlands og Samband sunnlenskra sveitarfélaga standa þessa dagana fyrir íbúakönnun sem ætlað er að greina þarfir og kortleggja almenningssamgöngur í Árnessýslu.
Könnunin á að draga fram mismunandi þarfir íbúa með tilliti til aldurshópa, búsetu og þjónustusókn og skoða hvort hægt sé að samræma almenningssamgöngur með öðrum áætlunarakstri s.s sérakstri.
Í tilkynningu frá Háskólafélaginu segir að þátttaka íbúa sé gríðarlega mikilvæg og því séu allir íbúar frá 16 ára aldri hvattir til að taka þátt.