Íbúafundur vegna eldgossins verður haldinn í íþróttahúsinu á Hvolsvelli í kvöld kl. 20:30.
Farið verður yfir þróun eldgossins í Eyjafjallajökli, afleiðingar þess og stöðuna í dag.
Sex framöguerindi verða flutt og spurningum svarað. Þeir sem það gera eru Elvar Eyvindsson, sveitarstjóri, Magnús Tumi Guðmundsson, jarðeðlisfræðingur, Þorsteinn Jóhannsson, svifrykssérfræðingur, Svanur Bjarnason, umdæmisstjóri Vegagerðarinnar á Suðurlandi, Haraldur Briem, sóttvarnalæknir og Hreinn Haraldsson, vegamálastjóri.
Fundarstjóri verður Víðir Reynisson deildarstjóri almannavarnardeildar ríkislögreglustjóra.
Fundurinn er öllum opinn og allir velkomnir.
Einnig verður upplýsingafundur fyrir Pólverja á sama stað kl. 17:00.