Eitt mál er varðar heimilisofbeldi var tilkynnt til lögreglunnar á Suðurlandi í liðinni viku og er það í rannsókn með aðkomu viðeigandi félagsmálayfirvalda.
Í dagbók lögreglunnar kemur fram að heimilisfaðirinn hafi verið með lítilsháttar áverka á kvið, mögulega af völdum eggvopns en þó sé óvíst um tilurð þeirra.
Báðir málsaðilar voru skoðaðir af lækni og síðan vistaðir í fangageymslu, en yfirheyrðir um málsatvik daginn eftir.