Þessa dagana er unnið af fullum krafti að lagningu íþróttagólfs í Hamarshöllinni í Hveragerði. Vonast er til að hægt verði að taka höllina í notkun í nóvember byrjun ef allt gengur eins og áætlað er.
Það er ljóst að margir bíða með mikilli eftirvæntingu eftir því að geta stundað íþróttir í nýja húsinu og ekki síst bíða knattspyrnumenn með óþreyju núna þegar farið er að kólna og vetur konungur er farinn að minna á sig.
Það er fyrirtækið Sporttæki í Hveragerði sem var lægstbjóðandi í bæði gervigras og gólfið og er hópur manna frá þeim nú að störfum í höllinni svo allt gangi nú hratt og vel fyrir sig.