Landeigendur í landi Litla- og Stóra-Ármóts hafa sent inn beiðni til Flóahrepps um aðalskipulagsbreytingu.
Þar er nú gert ráð fyrir frístunda- og landbúnaðarsvæði en landeigendur vilja gera þar íbúðarsvæði með tíu íbúðarlóðum þar sem heimilt væri að reisa íbúðarhús, geymslu, gestahús og skemmu.
Sveitarstjórn hefur falið skipulagsfulltrúa að kynna breytingu á skipulagi áður en það verður tekið til formlegrar afgreiðslu.