Forstöðumaður Hvítasunnukirkjunnar á Selfossi, Aron Hinriksson, kom ásamt ungum aðstoðarmönnum á skrifstofu Heilbrigðisstofnunar Suðurlands á Selfossi í vikunni.
Meðferðis hafði hann nokkra kassa af allskyns smáleikföngum, að andvirði 250.000 króna. Þetta er í annað sinn sem Aron kemur með svona gjafir til HSu í aðdraganda jóla en leikföngunum verður dreift á allar stöðvar HSu. Þar verða þau notuð sem verðlaun til barna sem þurfa að koma í heimsókn á einhverjar af heilsugæslunum eða dvelja á öðrum deildum stofnunarinnar.
Allir vita að slíkar heimsóknir geta stundum verið litlu fólki erfiðar og ekki þarf mikið til að fá bjart bros á lítið andlit aftur.