Byggðaráð Bláskógabyggðar hvetur eigendur Skálholtsjarðarinnar til að sjá til þess að kerfisbundin fornleifaskráning eigi sér stað í Skálholti.
Á málþingi um framtíð Skálholts sem fram fór í október kom fram að ekki sé hægt að fara í skipulagsvinnu í Skálholti nema að undangenginni fornleifaskráningu. Sú vinna er öll eftir.
Minjastofnun hefur nú sent yfirvöldum í Bláskógabyggð erindi vegna deiliskipulagslýsingar Skálholts. Í erindinu kemur fram að stofnunin muni ekki taka afstöðu til deiliskipulagstillögu á Skálholtsjörðinni fyrr en kerfisbundin fornleifaskráning hefur átt sér stað í Skálholti.
Af því tilefni hvetur byggðaráð eigendur Skálholtsjarðarinnar að verða við þessum tilmælum Minjastofnunar.