Nemendur í Grunnskólanum í Hveragerði náðu góðum árangri í smásagnasamkeppni FEKÍ í vor.
Skólinn hefur nokkur undanfarin ár tekið þátt í samkeppninni sem Félag enskukennara á Íslandi og Sendiráð Bandaríkjanna hafa efnt til meðal grunnskóla um allt land.
Í ár tóku allflestir nemendur í 6. – 10.bekk þátt og skrifuðu sögur á ensku. Kennarar völdu úr þessum sögum og sendu inn í keppnina. Árangur Hvergerðinganna var glæsilegur því af níu verðlaunum sem veitt voru komu fimm í hlut nemenda úr Grunnskólanum í Hveragerði.
Í flokknum 6. bekkir og yngri fengu tveir nemendur skólans verðlaun. Það eru þau Pétur Nói Stefánsson og Erla Rut Pétursdóttir, bæði úr 6. bekk. Í þessum flokki voru verðlaunin ekki sett á nein sæti.
Í flokknum 7.-8.bekkir fékk Baldvin Alan Thorarensen 1. verðlaun og Kristina May Jones 2. verðlaun. Þau eru bæði í 8.bekk.
Í flokknum 9.-10. bekkir hlaut Bjartur Geirsson 1. verðlaun. Hann er í 10.bekk.
Það voru enskukennarar skólans þau Ólafur Jósefsson og Guðrún Olga Clausen sem sáu um utanumhald á þessu verkefni.
Myndir af vinningshöfunum eru á heimasíðu skólans.