Hveragerði steinlá í Útsvarinu

Lið Hveragerðis steinlá þegar liðið mætti Akureyri í Útsvarinu í Sjónvarpinu í kvöld. Lokatölur voru 113-59.

Þrátt fyrir frábær tilþrif í látbragðsleiknum dugði það ekki til því sterkt lið Akureyrar hafði töglin og hagldirnar og leiddi allan tímann.

Þessi 59 stig gera Hveragerði að fjórða stigahæsta tapliðinu og á liðið því enn möguleika á að komast áfram í keppninni.

Lið Hveragerðis skipa þau Eva Harðardóttir, Pálína Sigurjónsdóttir og Úlfur Óskarsson.