Hvalreki olli sliti á háspennujarðstreng

Sá óvenjulegi atburður átti sér stað í síðustu viku að hvalreki skammt vestan við Landeyjarhöfn olli sliti á háspennujarðstreng sem liggur að hafnarsvæðinu og olli við það rafmagnstruflun.

Rigningarvatn safnast gjarnan upp við mörkin á grónu landi og sandfjörunni sem ryður sér farveg fram í sjó þegar uppsöfnunin er orðin mikil í vætutíð. Þarna hafði myndast vatnsrás þvert á háspennustrenginn og skolað ofan af honum sandinum.

Mikið hafrót var þegar atvikið átti sér stað, allt að 10 m ölduhæð, sem náði að skola hræi af hval upp eftir vatnsrásinni og yfir strenginn sem ekki þoldi álagið og slitnaði.