Hval hefur rekið á land skammt frá Skipum, austan við Stokkseyri. Líklegast er um að ræða búrhval.
Hvalurinn er um það bil 15 metra langur og hefur rekið dauðann á land ef eitthvað er að marka ummerkin.
Nokkur fjöldi fólks hefur gert sér leið niður í fjöru eftir að fréttist af hvalrekanum.
Hvalrekar eru á borði Umhverfisstofnunar og þar er meginreglan sú að hræið fái að liggja og náttúran að hafa sinn gang, nema hræið valdi sérstökum ama, til dæmis vegna ólyktar.
