Húsráðandi náði sjálfur að slökkva eldinn

Slökkviliðsmenn Brunavarna Árnessýslu á Flúðum fengu boð um eld í einbýlishúsi í dreifbýli síðastliðinn föstudag, þann 1.apríl. Eldur hafði kviknað í potti á eldavél við eldamennsku.

Húsráðandi hafði náð að slökkva eldinn áður en slökkviliðsmenn komu á staðinn og hlaust því ekki mikið tjón af miðað við það sem hefði getað orðið.

Húsráðandi naut aðhlynningar sjúkraflutningamanna Heilbrigðisstofnunar Suðurlands vegna gruns um reykeitrun.