Gamalt íbúðarhús í Suður-Hvammi í Mýrdal, sem hefur verið notað sem sumarbústaður, er stórskemmt eftir eldsvoða í dag. Mikill eldur var í húsinu en slökkvistarf gekk vel og lauk því laust fyrir klukkan fjögur.
Boð um eldinn bárust Neyðarlínunni á þriðja tímanum í dag og var slökkviliðið í Vík kallað út ásamt Björgunarsveitinni Víkverji.
Mikill eldur var í húsinu og logaði út um glugga og þak á norðurhlið hússins. Mjög miklar skemmdir urðu innanstokks.
Eldsupptök eru ekki ljós en lögreglan mun rannsaka þau í framhaldinu. Vakt verður við húsið í dag til að ganga úr skugga um að ekki leynist glæður í því.
Suður-Hvammur. sunnlenska.is/Þórir N. Kjartansson
sunnlenska.is/Þórir N. Kjartansson
sunnlenska.is/Þórir N. Kjartansson
Frá slökkvistarfinu í dag. Ljósmynd/Guðmundur Ragnarsson
Ljósmynd/Guðmundur Ragnarsson