Hundur glefsaði í andlit pilts

Hundur glefsaði í andlit 17 ára pilts á milli klukkan 16 og 17 í gær við verslun Samkaupa við Tryggvagötu á Selfossi. Hundurinn var bundinn við staur.

Pilturinn var að klappa hundinum og hafði gert um stund þegar hundurinn fyrirvaralaust glefsaði í andlit drengsins sem fékk slæmt sár á kinn.

Hann leitaði til læknis strax eftir atvikið. Ekki er vitað hver eigandi hundsins er en samkvæmt heimildum sunnlenska.is var hundurinn svartur og líklega um einhverskonar labradorblending að ræða.