Barn var flutt til aðhlynningar á Heilbrigðisstofnun Suðurlands á Selfossi og síðan til frekari aðstoðar í Reykjavík, eftir að hundur á sveitabæ í uppsveitum Árnessýslu beit það í andlitið í síðustu viku.
Í dagbók lögreglunnar á Suðurlandi kemur fram að barnið hafi verið gestkomandi á bænum. Það var útskrifað af sjúkrahúsi sama kvöld, eftir að gert hafði verið að sárum þess.