Starf sveitarstjóra í Hrunamannahreppi er laust til umsóknar en Ísólfur Gylfi Pálmason, sveitarstjóri, tekur nú við stjórninni í Rangárþingi eystra í kjölfar kosningasigurs þar.
Hrunamenn hafa því á heimasíðu sinni auglýst eftir duglegum og áhugasömum sveitarstjóra sem getur hafið störf sem fyrst.
Einstaklingurinn sem leitað er að þarf að vera jákvæður og fær í stjórnun og mannlegum samskiptum, hafa reynslu af rekstri og stjórnsýslu sveitarfélaga og áhuga og reynslu á markaðs og kynningarmálum. Hann þarf þar að auki að hafa háskólamenntun eða sambærilega menntun sem nýtist í starfi.
Umsóknarfrestur er til 15. júní nk.