Hótel á Suðurlandi kært fyrir brot á sóttvarnarlögum

sunnlenska.is/Guðmundur Karl

Eftirlit lögreglu á hóteli á Suðurlandi í síðustu viku leiddi til kæru vegna meints brots á sóttvarnarlögum.

Þetta kemur fram í dagbók lögreglunnar á Suðurlandi.

Gestir hótelsins höfðu komið sér fyrir í sal hótelsins að sögn með „eigin veitingar“ og reyndist hólfun og fjöldatakmarkanir vera með þeim hætti að ekki yrði við unað.

Málið fer til ákærusviðs til afgreiðslu.