Nýlega færðu eigendur fyrirtækisins Ögmundar Ólafssonar ehf, heilsugæslustöðinni í Vík veglega gjöf.
Um er að ræða ABPM 7100, 24 klukkustunda blóðþrýstingsmæli. Í gjafabréfi sem fylgdi mælinum segir „Gjöfin er gefin til minningar um Ögmund Ólafsson með kæru þakklæti fyrir hlýhug og einstaka umönnun í veikindum hans.“
Greint er frá þessu á heimasíðu HSU og þar eru eiginkonu Ögmundar og fjölskyldu færðar bestu þakkir fyrir höfðinglega gjöf, sem gerir starfsfólki heilsugæslustöðvarinnar kost á aukinni þjónustu í heimabyggð.