Eins hreyfils flugvél hlekktist á í lendingu á Haukadalsflugvelli á Rangárvöllum í gær. Flugmaðurinn slapp ómeiddur.
Slysið varð um klukkan 17:45 í gær en flugvélin snerist í lendingunni og hvolfdi. Flugvélin stöðvaðist á hvolfi en flugmaðurinn, sem var einn í vélinni, slapp ómeiddur.
Að sögn lögreglunnar á Suðurlandi var flugsviði rannsóknarnefndar samgönguslysa gert viðvart og hefur nefndin nú málið á sinni könnu.