Amper og fasteignaþróunarfélagið Jórvík hafa gert með sér samstarfssamning um uppbyggingu hleðsluinnviða fyrir rafbíla í Jórvíkurhverfinu á Selfossi. Áætlað er að byggja allt að 1.500 íbúðir og sérbýli í hverfinu á næstu 10 árum og munu þær allar bjóða upp á hleðslulausnir frá Amper.
Samstarfið markar tímamót í íslenskri fasteignauppbyggingu, þar sem hleðsluinnviðir eru ekki lengur aukahlutur heldur hluti af hönnun og afhendingu eignarinnar. Markmiðið er að íbúar geti byrjað að hlaða rafbíla sína um leið og þeir flytja inn, án þess að þurfa að standa í kostnaðarsömum framkvæmdum eða flókinni skipulagningu.
Snjalltækni sem lágmarkar kostnað
Hleðslustöðvarnar eru búnar nýjustu tækni sem tryggir örugga og hagkvæma hleðslu. Kerfið styðst við snjalla álagsstýringu sem verndar rafkerfi húsanna og býður jafnframt upp á að hlaða þegar raforkuverð er í lágmarki.
„Þótt ekki sé gerð krafa um fullbúna hleðsluinnviði í reglugerðum, viljum við hjá Jórvík ganga skrefinu lengra og skila lausn sem eykur þægindi og ánægju kaupenda okkar,“ segir Snorri Sigurðsson hjá Jórvík. „Með því að velja Amper tryggjum við ekki bara virkni til framtíðar, heldur líka fallega og heildstæða ásýnd í öllu hverfinu.“
Hleðsla í áskrift auðveldar aðgengi
Amper er eina þjónustufyrirtækið í hleðslu á Íslandi sem býður upp á áskriftarleiðir þar sem hægt er að fá hleðslulausnir án nokkurs upphafskostnaðar. Þessi leið verður íbúum í Jórvíkurhverfi aðgengileg og einfaldar þeim skrefið yfir í rafbílaeign.
„Við erum afar stolt af því að fylgja Jórvík í þessari miklu uppbyggingu á Selfossi. Verkefnið er eitt það stærsta sinnar tegundar hér á landi,“ segir Haraldur Sigfús Magnússon, framkvæmdastjóri sölu og þjónustu hjá Amper. „Okkar markmið er að íbúar upplifi fullkomið öryggi og þægindi. Með snjallstýringunni okkar geta notendur treyst því að rafbíllinn sé hlaðinn á sem hagkvæmastan hátt, á meðan áskriftarlíkanið okkar tryggir rekstraröryggi á sanngjörnum verðum.“