Að kvöldi Hvítasunnudags kl. 20:53 barst lögreglunni á Selfossi tilkynning um að hjón um sjötugt væru meðvitundarlaus í hjólhýsi sínu í Þjórsárdal.
Sjúkrabílar og lögregla fóru þegar á vettvang en nærstaddir brutust inn í hjólhýsið, komu fólkinu út undir bert loft og hófu þar tilraunir til endurlífgunar. Hjónin voru bæði úrskurðuð látin á vettvangi.
Vísbendingar eru um að súrefnisskortur hafi orðið þeim að bana en málið er í rannsókn hjá rannsóknardeild lögreglunnar á Selfossi og tæknideild lögreglu höfuðborgarsvæðisins sem komin er á vettvang.
Ekki er unnt að birta nöfn hinna látnu að svo stöddu.