Um klukkan hálf fjögur í dag barst lögreglunni á Suðurlandi tilkynning um andlát í heimahúsi á Selfossi. Hin látna var kona á þrítugsaldri.
Tveir karlmenn á þrítugsaldri voru handteknir á vettvangi og eru þeir í haldi lögreglu.
Lögreglan á Suðurlandi vinnur að rannsókn málsins af fullum þunga með liðsinni tæknideildar lögreglunnar á höfuðborgarsvæðinu.
Í tilkynningu frá lögreglunni segir að rannsóknin beinist að því að upplýsa með hvaða hætti andlát konunnar bar að en ekki sé hægt að greina frekar frá framgangi rannsóknarinnar á þessari stundu.