Maður höfuðkúpubrotnaði er hann féll af hesti sínum í landi Ásatúns í Hrunamannahreppi um miðnætti síðastliðins föstudag.
Atvikið átti sér stað við Langholtsveg en félagi mannsins kom að honum meðvitundarlausum.
Ekki liggur fyrir hvað gerðist en málið er í rannsókn.
Um helgina var nokkur erill hjá Selfosslögreglu vegna slysa og óhappa. Annað hestaslys varð á föstudag er stúlka féll af hesti skammt frá Flúðum. Hún hlaut minni háttar meiðsl.