Lögreglan á Selfossi stöðvaði akstur tveggja ökumanna í gærkvöldi vegna gruns um akstur undir áhrifum áfengis.
Mennirnir sem eru á þrítugs- og fertugsaldri voru báðir stöðvaðir við reglubundið umferðareftirlit á Suðurlandsvegi. Eftirlit verður aukið um helgina á Suðurlandi vegna Bestu útihátíðarinnar sem haldin er á Hellu.
Í gær voru þrír ökumenn stöðvaðir við almennt umferðareftirlit vegna gruns um akstur undir áhrifum fíkniefna.
Í einum bílnum fundust um 10 grömm af ætluðu fíkniefni og í öðrum fundust 20 grömm.