Helst hreyfing á íbúðum og sumarbústöðum

,,Það má kannski segja að þetta sé örlítið líflegra en í fyrra en samt ósköp mikil ládeyða,” segir Guðmundur Einarsson, fasteigna­sali á fasteignasölunni Fannberg á Hellu.

Guðmundur sinnir einkum Rangárvalla­sýslu og V-Skafta­fells­sýslu. Hann segir að það sé fyrst og fremst hreyfing á íbúðar­hús­næði og sumar­bústöðum, þar fyndist dálítill áhugi en framboðið væri vissulega mikið líka. Því væri verðið heldur að lækka.

,,Jarðir og lönd hreyfast hins vegar ekki,” sagði Guðmundur.