UPPFÆRT KL. 11:58 Búið er að opna Hellisheiði. Þar er snjókoma og skafrenningur.
—-
Hellisheiðinni hefur verið lokað vegna bíla sem þar hafa lent í vandræðum í ófærð. Björgunarsveitir á Suðurlandi hafa verið kallaðar út til aðstoðar.
Þrengslavegur er á óvissustigi og þar er aðeins vel búnum bílum hleypt í gegn.
Gul viðvörun er í gildi á Suðurlandi til klukkan 13 í dag og er búist við talsverðri snjókomu með takmörkuðu eða lélegu skyggni og versnandi akstursskilyrðum, einkum til fjalla.
Útlit er fyrir að veginum frá Kirkjubæjarklaustri að Jökulsárlóni verði lokað í dag frá morgni og fram eftir degi. Stærri bílar ættu ekki að vera á ferðinni vegna vinds á þessu svæði.
Hér fyrir neðan eru myndir frá Landsbjörgu sem teknar voru í dag.
