Hellisheiði og Þrengslum lokað – Aðgerðastjórn virkjuð

Aðgerðastjórn í Björgunarmiðstöðinni á Selfossi. Mynd úr safni. sunnlenska.is/Guðmundur Karl

Búið er að loka Suðurlandsvegi yfir Hellisheiði og Þrengslavegi. Miðað við áætlanir Vegagerðarinnar má búast við að vegirnir verði lokaðir til kl. 13:00 á morgun, miðvikudag.

Einnig er Biskupstungnabraut lokuð, sem og Laugarvatnsvegur, Lyngdalsheiði og Grafningsvegur.

Aðgerðastjórn hefur verið virkjuð í Björgunarmiðstöðinni á Selfosssi. Verkefni björgunarsveita hafa verið að koma inn síðasta klukkutímann, meðal annars á Selfossi og í Þingvallasveit. Björgunarsveitir eru í viðbragðsstöðu í húsi og sinna veglokunum víða.

Fyrri greinFlutningi lamba yfir varnarlínu vísað til lögreglu
Næsta greinÖllum leiðum lokað frá Selfossi – Fjöldahjálparstöðvar opnaðar