Búið er að loka Hellisheiði og Þrengslum vegna veðurs og færðar.
Einnig er lokað yfir Mosfellsheiði, um Þingvallaveg og yfir Lyngdalsheiði.
Suðurstrandarvegur er opinn en óveður er á Grindavíkurvegi og í Krýsuvík og þeir vegir eru lokaðir, þannig að allar leiðir milli Suðurlands og höfuðborgarsvæðisins eru lokaðar.
Gul viðvörun er í gildi á Suðurlandi til klukkan 23 í kvöld, suðaustan 15-23 m/s og snarpar vindhviður og varasamt ferðaveður.