Blindbylur er nú skollinn á víða á Suðurlandi og hefur Hellisheiði og Þrengslum verið lokað.
Ekki er ljóst hvenær opnað verður aftur en vegirnir eru á óvissustigi vegna veðurs til klukkan 7 í fyrramálið.
Þá er sömuleiðis búið að loka Mosfellsheiði og Lyngdalsheiði og efri hluta Þingvallavegar.
Fyrr í dag var Þjóðvegi 1 lokað milli Markarfljóts og Víkur en nú er lokað alveg austur að Kirkjubæjarklaustri. Einnig um Skeiðarársand og Öræfi allt austur að Jökulsárlóni.