Forsætisráðherra hefur fallist á tillögu Þórunnar J. Hafstein, ritara þjóðaröryggisráðs, um að hún láti af störfum sem ritari ráðsins um næstu áramót. Helgi Valberg Jensson, frá Hátúni í Landbroti í Skaftárhreppi, tekur við starfi ritara þjóðaröryggisráðs frá sama tíma.
Helgi Valberg lauk meistaraprófi í lögfræði frá Háskóla Íslands 2009. Hann hefur starfað sem lögfræðingur í forsætisráðuneytinu síðastliðið ár en var áður yfirlögfræðingur hjá embætti ríkislögreglustjóra og staðgengill ríkislögreglustjóra og aðallögfræðingur hjá embætti lögreglustjórans á höfuðborgarsvæðinu.
Þar áður starfaði hann í dóms- og kirkjumálaráðuneytinu, innanríkisráðuneytinu og hjá fjármála- og efnahagsráðuneytinu á skrifstofu Kjara- og mannauðssýslu ríkisins.