Helgi Hafsteinn Helgason, sérfræðingur í krabbameinslækningum, hefur verið ráðinn yfirlæknir lyflækningadeildar Heilbrigðisstofnunar Suðurlands á Selfossi frá og með 1. ágúst næstkomandi.
Helgi er nýfluttur til landsins eftir að hafa starfað í Hollandi til fjölda ára. Hann lauk embættisprófi í læknisfræði frá Háskóla Íslands 1996, hann hlaut sérfræðileyfi í krabbameinslækningum 2005 og í klíniskri lyfjafræði 2007.
Helgi hefur starfað sem sérfræðingur í krabbameinslækningum við Haaglanden Medical Center í Haag frá árinu 2010. Hann hefur áralanga reynslu af meðferð krabbameinssjúklinga, rannsóknum, kennslu og stjórnun.