Framboðslisti T-listans í Bláskógabyggð fyrir komandi sveitarstjórnarkosningar var samþykktur á fjölmennum fundi sem haldinn var í Efstadal í gærkvöldi. Á fundinum var tillaga uppstillinganefndar lögð fram og samþykkt samhljóða.
Í tilkynningu frá T-listanum segir að á listanum sé fólk með viðtæka reynslu, menntun og bakgrunn. Þá koma frambjóðendur víðsvegar að úr sveitarfélaginu og endurspegla því vel samfélagið í Bláskógabyggð.
Helgi Kjartansson, íþróttakennari og núverandi oddviti leiðir listann og í öðru sæti er Stefanía Hákonardóttir, verkfræðingur. Í þriðja sæti er Áslaug Alda Þórarinsdóttir, meistaranemi í félagsráðgjöf, í fjórða sæti er Ísak Eyfjörð Arnarson viðskiptafræðingur og fimmta sæti er Kristján Einir Traustason, viðskiptalögfræðingur.
Eftirfarandi einstaklingar skipa listann:
1. Helgi Kjartansson, kennari og oddviti
2. Stefanía Hákonardóttir, verkfræðingur
3. Áslaug Alda Þórarinsdóttir, meistaranemi í félagsráðgjöf
4. Ísak Eyfjörð Arnarson, viðskiptafræðingur
5. Kristján Einir Traustason, viðskiptalögfræðingur
6. Elías Bergmann Jóhannsson, kennaranemi
7. Grímur Kristinsson, smiður og búfræðingur
8. Anna Svava Sverrisdóttir, framkvæmdarstjóri
9. Sveinn Ingi Sveinbjörnsson, vélvirki og bóndi
10. Axel Sæland, blómabóndi
11. Ewa Piatek, gróðurhúsastjóri
12. Sindri Fannar Sigurbjörnsson, sjúkraflutningamaður
13. Harpa Sævarsdóttir, sjúkraþjálfari
14. Guðrún Svanhvít Magnúsdóttir, bóndi