Helga María Pálsdóttir, lögfræðingur, hefur verið ráðin bæjarritari Sveitarfélagsins Árborgar.
Helga María hefur lokið MSc gráðu í stjórnun og LL.M gráðu í evrópskum viðskiptarétti frá Lunds Universitet, MA prófi og BA prófi í lögfræði frá Háskóla Íslands og hefur að auki málflutningsréttindi fyrir héraðsdómi.
Helga María starfar sem lögfræðingur hjá Fjölmiðlanefnd. Á árunum 2011-2016 starfaði hún sem löglærður fulltrúi hjá Mandat lögmannsstofu og þar áður hjá Slitastjórn LBI, sýslumanninum í Kópavogi og Mannréttindastofnun. Þá hefur hún verið aðstoðarkennari í samningarétti við lagadeild við Háskóla Íslands samhliða námi og starfað á sumrin sem hótel- og gæðastjóri hjá Fosshótelum.
Helga María mun hefja störf síðari hluta marsmánaðar. Fyrst um sinn mun hún verða með hléum til skiptis í Árborg og í Svíþjóð, en mun flytjast búferlum í sveitarfélagið í sumar.