Heimasóttkví aflétt um áramótin

Þar sem lítið ber á smitandi hóstapest í hrossum hefur Matvælastofnun ákveðið að aflétta hinni formlegu heimasóttkví útflutningshrossa.

Sóttkvínni verður aflétt frá áramótum með þeim fyrirvara að sjúkdómurinn blossi ekki upp á ný.

Innan Evrópusambandsins eru gerðar þær kröfur að innflutt hross séu án sjúkdómseinkenna og það sama eigi við um öll hross sem þau hafi umgengist undangengna 30 daga.

Eins og sunnlenska.is hefur greint frá hefur útflutningur hrossa hefur gengið vel í haust og hafa ríflega 1000 hross farið utan nú í byrjun desember.

Það verður áfram á ábyrgð seljenda að útflutningshross hafi ekki verið í samneyti við hross með einkenni smitandi hósta í a.m.k. einn mánuð (tvo fyrir Bandaríkin) fyrir útflutning.