Árlegt fjölskyldumót Harley Davidson mótorhjólaklúbbsins á Íslandi verður haldið í Oddsparti í Þykkvabæ um helgina.
Mótið er ávallt vel sótt af áhugamönnum um Harley Davidson mótorhjól en mótið er opið öllum, Á þriðja hundruð manns sóttu hátíðina í fyrra.
Í ár er áhersla lögð á skemmtilega leiki og keppnir fyrir krakka á öllum aldri, verðlaunapeningar verða veittir fyrir bestan árangur. Nýjar keppnir í ár eru Vitringurinn 2011 og Varahlutagúrú 2011.
Dagskráin hefst í kvöld með kraftmikilli súpu og lifandi tónlist og á morgun er viðamikil dagskrá fyrir krakka á öllum aldri, grillveisla og varðeldur svo eitthvað sé nefnt.
Mótinu verður slitið á sunnudag.