Tveir fólksbílar lentu í hörðum árekstri á Skeiðavegamótum á sjötta tímanum í dag með þeim afleiðingum að annar bíllinn valt.
Einn var í hvorum bíl og voru ökumennirnir báðir fluttir á slysadeild á Selfossi til aðhlynningar.
Lögregla og sjúkraflutningamenn frá Selfossi fóru á vettvang ásamt tækjabíl frá Brunavörnum Árnessýslu. Bílarnir eru báðir mikið skemmdir.