Búið er að opna Suðurlandsveg á nýjan leik eftir harðan árekstur á gatnamótum Suðurlandsvegar og Skógavegar síðdegis í dag.
Samkvæmt upplýsingum frá lögreglunni á Suðurlandi voru samtals sjö manns í bílunum tveimur og voru tveir fluttir með sjúkrabíl á Heilbrigðisstofnun Suðurlands.
Suðurlandsvegur var lokaður á meðan viðbragðsaðilar athöfnuðu sig á vettvangi. Lögreglan á Suðurlandi rannsakar tildrög slyssins.