Þrjár konur voru handteknar skömmu eftir hádegi á föstudag vegna gruns um þjófnað í versluninni Galleri Ozone við Austurveg á Selfossi.
Konurnar höfðu verið á ferð í versluninni daginn áður og þá stolið fatnaði fyrir á annaðhundrað þúsund krónur. Með konunum voru tvö ung börn.
Í bifreið sem konurnar voru á fannst hluti af fatnaði sem tilheyrði versluninni og einnig fannst fatnaður á heimilum kvennanna á höfuðborgarsvæðinu.
Ein kvennanna játaði þjófnað en hinar neituðu. Þær eru á aldrinum 46, 19 og 17 ára.