Einn maður gisti fangageymslur hjá lögreglunni á Selfossi í nótt.
Rétt eftir klukkan þrjú barst lögreglu tilkynning um að þrír menn vopnaðir barefli væru á leið á skemmtistað í bænum og einhvers konar uppgjör væri í uppsiglinu, eins og varðstjóri orðaði það í samtali við fréttavefinn Vísi.
Lögregla hóf leit að mönnunum og hafði uppi á þeim stuttu síðar. Þar hélt einn mannanna á sextíu sentimetra járnstykki og þegar lögregla ætlaði að hafa afskipti af honum tók hann á rás. Hann var hlaupinn uppi og handtekinn.
Maðurinn var undir áhrifum áfengis og verður yfirheyrður í dag.