Á morgun, laugardaginn 14. maí kl. 13:30, bjóða ábúendur á Helluvaði í Rangárþingi ytra gestum og gangandi að fylgjast með þegar kúnum á bænum verður hleypt út eftir vetrarinnistöðu.
Á Helluvaði reka Anna María Kristjánsdóttir og Ari Árnason blandað bú, með kýr og sauðfé. Sauðburður er í fullum gangi á búinu þannig að gott tækifæri gefst til að kíkja á lömbin í leiðinni.
Eftir að kýrnar hafa slett úr klaufunum bjóða ábúendur á Helluvaði upp á kaffi og með því. Allir eru velkomnir!