Halldóra þjónar Oddaprestkalli

Séra Halldóra J. Þorvarðardóttir, prófastur í Fellsmúla, mun taka að sér Oddaprestakall í aukaþjónustu frá 1. ágúst þú þegar sr. Guðbjörg Arnardóttir hefur hafið störf í Selfossprestakalli.

Þetta staðfesti sr. Kristján Valur Ingólfsson, vígslubiskup í Skálholti, í samtali við Sunnlenska.

Biskup Íslands hefur auglýst embætti sóknarprests í Oddaprestakalli laust til umsóknar frá 1. október næstkomandi til fimm ára.

Í Oddaprestakalli eru þrjár sóknir, þær eru: Keldnasókn, Oddasókn og Þykkvabæjarsókn. Íbúar í prestakallinu eru rúmlega ellefu hundruð.

Sóknarpresti er skylt að sitja prestssetrið í Odda og hafa umsjón með því.

Umsóknarfrestur rennur út 25. ágúst næstkomandi.