Síðastliðinn föstudag hóf lögreglan á Suðurlandi að grennslast fyrir um leigutaka bílaleigubíls í Landmannalaugum.
Lögreglan fékk tilkynningu frá hálendisgæslu Landsbjargar um að bílnum hefði verið lagt í vegkanti við Landmannalaugar og staðið þar í að minnsta kosti tvo sólarhringa.
Eftirgrennslan lögreglu leiddi í ljós að ferðamaðurinn var kominn í Húsadal og það var í góðu lagi með hann, væntanlega eftir göngu um Laugaveginn.